MTR上Sayonana

古他都係後生細仔, "養唔熟"呢種職場流感係好易中招既. 古他做左依家份工2年有多, 公司規模算係咁, 可惜係 local firm, 好聽d就當你本地行家, 但咪傻啦, 大deal冇你份.

高不成低不就, 雖然人地可能覺得古他唔應該咁自大, 但係人在江湖呀ma. 做前線既, 要充大頭, 跑數搵生意, 當中大部份既從業員根本唔得閒同冇心情充實下個人修為, 個個做到為世所迫, 有d日日背台詞咁sell客, 有d就 ass kissing客人. 老實講古他做"祖利亞"(junior)果陣都可能係咁, 日子耐左, 發現呢種服務態度都係考驗客人既 EQ, 熟客更加唔中意, 只不過唔會講出口.

高級既, 以為佢搵到錢, 見慣大場面, 唔會犯埋呢d低級野. 點知, 人外有人, 有錢佬外再有富貴人, 面對住d potential commission, 平時幾有架子既老闆睇落去同祖利亞又冇咩大分別. 最扯貓尾既係, 我間公司既人將呢個 junior execution level, set得幾低下.

又或者, 個客問同事市況果陣原來會阻住呢位同事炒輪炒期指, 咁pro既野, 古他已經見慣不怪. 做得commission broker, 要搵錢係有可能既, 不過咁樣搵錢法, 眼高手低, 輸既野其實更加多. 本地金融舖頭既文化俾外資行睇唔起, 咪就係咁lor.

中央圖書館門口有粒天行健, 鼓勵我地要自強不息, 我d同事小強科果批應該唔記得啦, 因為佢地冇睇書好耐啦, 就算有睇, 都係溫緊CFP, 因為第時賣基金的話會pro d. 轉去銀行做Relationship Manager叫價又高d, 幾好呀.

古他係佢地眼中, 一個唔覺意就會成為諗錯路個隻, 為左搞好人際關係, 我會參與"18500樓上啦, 咁貴要沽期指"之類既討論. 琴日收工搭MTR, 搵到位坐. e?! 我部門一個靚女都冇喎! 於是乎即刻打俾老細:"喂老細呀, 我有個客呢, 幾大架..................................到時你跟啦, 我未必食得住呀, 同埋, 我下個月會走...................唔唔, 搵下工先, 又想休息下, 下星期同你慢慢傾."

古他會去邊呢, 同一行, 咪又可能係第二個hell. 睇下點.